Balazten eta enbrageen konponketa

Edozein markatako frenoak eta enbrageak konpontzen ditugu, soluzio integrala eskainiz. Horretarako, unitatea gure instalazioetara ekarriko dugu, desmuntatzeko, garbitzeko eta ikuskatzeko. Frenoak eta enbrageak konpontzeko kualifikazio handiko ekipoa dugu. Antzemandako kalteen berri emango dizugu, eta konpontzeko aurrekontua egingo dizugu, honako hauek barne:

• Freno-enbrageen funtzionamendua eta egoera egiaztatzea
• Freno-enbrageen pieza guztiak egiaztatzea
• Kaltetutako piezak berreskuratzea (kromatzea, arteztea...) edo fabrikatzea
• Barruko piezak ordeztea (junturak, malgukiak, marruskadura-materialak...)
• Test-bankuetako unitateak muntatzea eta haien funtzionamendu zuzena egiaztatzea (olio-/aire-ihesak, pistoiaren ibilbideak, etab.)

Freno-enbrage pneumatikoen stocka daukagu, eta, horri esker, unitateak oso epe laburrean eskaintzen ditugu, bezeroaren beharren arabera. Gure freno-enbrageak Goizperrenak ez diren unitateak dituzten makinetan egokitzeko aukera eskaintzen dugu.

• Ordezkatu beharreko unitateen identifikazio eta hautapen egokia
• Azpimultzoak stockean, azkar pertsonalizatzeko
• Laguntza ezin hobea azkar erreakzionatzeko, makina luzaroan geldituta egon ez dadin

Bezeroaren instalazioetan egiten ditugu berrikusketak eta azterketak, instalazioetan eta unitateetan dauden arazoak konpontzeko.

• Unitateen funtzionamenduaren berrikusketak eta neurketak
• Unitateen funtzionamendua doitzea (erreakzio-denborak, presioak eta abar)
• Mantentze-taldeentzako prestakuntza
• Azken erabiltzaileentzako prebentziozko mantentzea edo prediktiboa

Goizperreko teknikaririk ezin bada joan instalazioetara, urrutiko laguntza emango dugu munduko edozein tokitan.